بعمري ما رح إنسى الوقفة الحلوة يلي وقّفتها كاريتاس سورية حدّي

"كاريتاس سورية هي نقطة تحوّل كتير مهمة بحياتي. شكراً لأنه بفضلكن كل شي صار أحسن وأحلى."

بهذه الكلمات وصفت رجاء، مدى تأثّرها وسعادتها بما حصلت عليه من خلال برامج كاريتاس سورية - مكتب دمشق في جديدة عرطوز. وهي سيدة في عامها الثامن والخمسين وزوجة وأم لثلاثة أبناء، كانت تعمل بالخياطة من منزلها لمساعدة زوجها في إعالة أسرتهم.

وقد وصفت تجربة رحلتها مع برنامج الدعم النفسي الاجتماعي قائلة:

"ما كنت متحمسة كتير، بس وقت حضرت أول وتاني جلسة، حسّيت بفرق كتير كبير. نفسيتي تغيّرت ووقت خلصوا تضايقت من جوة قلبي، لأنه فعلاً قدروا يغيروا شي جوّاتي."

ثم سمعت عن بدء برنامج سبل العيش، فتقدمت للحصول على منحة.

وتابعت:

"كل شي كان رائع أكتر. ما كنت إتخيل عملولنا تدريب وبعدين سجّلولي دورة خياطة."

وعن تأثير هذه المساعدة عليها قالت:

"بفضل هالبرامج شخصيتي صارت أقوى، صرت مستقلة مادياً، زادت ثقتي بحالي، حتى إني صرت إشتغل بثقة أكبر."

وأضافت:

"ولادي كانوا داعمين كتير إلي، قالولي من حقّك تحققي حلمك وانا رح إعمل كل شي بقدر عليه لإنجح وخلّيهن يفتخروا فيني."

أصبحت السيدة رجاء صاحبة مشغل خياطة متواضع وبدأت بالعمل مع عدّة ورشات، تستقبل العديد من الطلبات، مما ساهم في تحسين وضعها المادي.

واختتمت حديثها بشكر كاريتاس سورية قائلة:

"شو ما حكيت ما بوفيكن حقكن، على التغيير يلي عملتوه بشخصيتي وبحياتي. بعمري ما رح إنسى الوقفة الحلوة يلي وقّفتوها حدّي. إلكن فضل كبير بإني صرت صاحبة مشروع ناجح، يلي كان حلم بالنسية إلي. شكراً كاريتاس سورية."