شكراً كتير إلكن هاد المشروع عم يطعمي العائلات الأكثر حاجة

"ياما إجي عالبيت مهموم، ماني مطالع ليرة، لاقي أكلة من كاريتاس سورية، انبسط من كل قلبي إنه ولادي ما رح يناموا جوعانين."

قال السيد عامر عن الخدمة التي يحصل عليها من مشروع المطبخ الشعبي الذي تقيمه كاريتاس سورية - مكتب دمشق وتابع:

"يوم مناكل وجبة وأيام ولا وجبة وأحياناً ممكن ناكل مرتين، هيك عم ندبر أمورنا."

وأضاف:

"سمعت ابني عم يقول أمي طبخيلنا ملوخية، قالتلو هلق ما معنا نجيب فروج بس نقدر تكرم عينك، ووقت وصلت الوجبة وطلعوا باعتين ملوخية، ما بنسى العرس اللي عملوه، طار عقلهن من الفرحة."

أما زوجته فقالت:

"ما بتصدقي شو بيفرحوا لما يكون الأكل فيه فروج أو لحمة، بتلاقيهن ركضوا عالمطبخ جابوا صحون وبلشوا يعيطوا ماما يلا تعي صبيلنا. عنجد كتر خيرهن وتسلم إيديهن على كل الطبخات الطيبة."

وأنهى السيد عامرحديثه قائلاً:

"شكراً كتير إلكن. هاد المشروع عم يطعمي عائلات لسا وضعها أسوء من وضعنا. لولا هالطبخة ما بياكلوا ولا بيشربوا".